Kjo shoqatë si organizim i pavarur dhe profesional për Neuroshkencë është formuar me qëllim që ti mbroj të drejtat e anëtarëve të vet, të avansojë njohuritë profesionale dhe vlerat etike të tyre,me qëllim të përmirësimit të shërbimeve mjekësore dhe te sistemit shëndetësor në interes të pacientit. 

Shoqata nëpërmjet organeve të veta e ka për detyrë të përcjell në mënyre aktive tërë procesin shëndetësorë ne vend, organizimin shëndetësor në Institucionet shtetërore, organizatat shëndetësore, institucionet pivate dhe publike dhe të përcjell sjelljen e ligjeve nga sfera e shëndetësisë ne funksion të ruajtjes dhe mirëqenies së shëndetit të pacientit. 

Anëtarë i shoqatës së Kosovës për Neuroshkencë mundë të jetë çdo profesionist që mirret me Neuroshkencë dhe ka interes të miret me Neuroshkencë. 

Shoqata e ka për detyrë të organizojë në mënyrë te vazhdueshme avancim profesional dhe shkencor me ligjërata të ndryshme, takime profesionale, akademi solemne, simpoziume, konferenca dhe kongrese në nivel kombëtar dhe ndërkombëtar, krejt kjo në funksion të ngritjes profesionale dhe shkencore. Shoqata ka filluar te krijojë lidhjet e para dhe të antarësohet në Shoqatat të njohura për Neuroshkenca siq janë: Brain Research in Neuroscience, Centre for Research in Neuroscience, Fedaration of European Neuroscience Societes, American Neurological Association, Canadian Association for Neuroscience, British Neuroscience Association, The Japan Neuroscience Society. Ne vazhdim pritet te krijoj lidhje edhe me shoqata dhe organizata tjera.